Давам Едир 37-и...

Шиәләрә тәзигләр давам едир- Азәрбајҹанда \ Елхан Исҝәндәров барәсиндә һәбс-гәтимкан тәдбири сечилиб

“Мүсәлман Бирлији”нин азадлыгда олан сонунҹу рәһбәри дә һәбс едилди.

  • Хәбәрин коду : 818327
  • Мәнбә : АБНА – Хәбәр Аҝентлији “Азадлиг”-а истинадла
Хүласә

Елхан Исҝәндәрова Ҹинајәт Мәҹәлләсинин 10 маддәси әсасында иттиһам ирәли сүрүлүб. Онларын арасында террора ҹәһддән тутмуш, силаһлы груп јаратма вә һакимијјәти зорла әлә кечирмәјәдәк ағыр маддәләр вар.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, әлијевләр режиминин анти-Шиә сијасәтләри давам едир. Белә ки, мартын 16-да Нәсими Рајон Мәһкәмәсиндә Мүсәлман Бирлији Һәрәкаты Идарә Һејәтинин һәбсдә олмајан сонунҹу үзвү Елхан Исҝәндәров барәсиндә һәбс-гәтимкан тәдбири сечилиб.

Режимин әдаләтсиз һаким Бабәк Һәсәнов илкин истинтаг дөврү үчүн һәбс мүддәтини 3 ај 11 ҝүн мүәјјәнләшдириб. Бу һагда вәкил Фариз Намазлы мәлумат вериб.

Елхан Исҝәндәрова Ҹинајәт Мәҹәлләсинин 10 маддәси әсасында иттиһам ирәли сүрүлүб. Онларын арасында террора ҹәһддән тутмуш, силаһлы груп јаратма вә һакимијјәти зорла әлә кечирмәјәдәк ағыр маддәләр вар.

Нардаран әмәлијјатындан сонра һәбс олунан вә һазырда Бакы Ағыр Ҹинајәтләр Мәһкәмәсиндә мүһакимәси давам едән 24 нәфәр дә ејни маддәләрлә сучланырлар. Һәрәкатын Идарә Һејәтинин диҝәр үзвләри һәбс едиләркән, Елхан Исҝәндәров ҝизләндијиндән, һаггында ахтарыш елан олунмушду.

Елхан Исҝәндәров мәһкәмәдә һеч бир ҹинајәт төрәтмәдијини вә иттиһамлары гәбул етмәдијини билдириб. О, Мүсәлман Бирлији Һәрәкатынын сифаришијлә “Вәһдәт” футбол турнири тәшкил етдијини, бирлијин үзвләри һәбс олунаркән, горхусундан ҝизләндијини сөјләјиб.

Елхан Исҝәндәров даһа сонра Сабунчу Рајон Полис Идарәсинин мүвәггәти сахлама тәҹридханасына апарылыб.

Онун вәкили Фариз Намазлы һәбс гәрарындан апеллјасија шикајәти верәҹәк.

Вәкилин сөзләринә ҝөрә, Елхан Исҝәндәрову мартын 14-дә ҝеҹә саат 2-дә евиндә башына торба кечирәрәк апарыблар. Һара апарылдығы барәдә аиләсинә һеч бир мәлумат верилмәјиб.

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди