Азәрбајҹан вә Анти-Шиә сијасәтләрин давамы

Тале Бағырзадә: "Нијә ҝөрә өмүрлүк азадлыгдан мәһрум едилмәдим?"

"Нардаран иши 1" үзрә тәгсирләндирилән шәхсләрин апеллјасија шикајәтинә бахылыб.

  • Хәбәрин коду : 840994
  • Мәнбә : Ракурс ТВ
Хүласә

Тале Бағырзадә: "Аллаһ Зәһра баламызын јахынларына сәбр версин. Азәрбајҹан һакимијјәти 25 илдир торпагларымызы азад еләмир, анҹаг данышыр, артыг о торпаглары ишғалдан азад етмәјин заманыдыр"

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ијулун 7-дә Мүсәлман Бирлији Һәрәкатынын сәдри Тале Бағырзадә, Азәрбајҹан Халг Ҹәбһәси Партијасынын сәдр мүавини Фуад Гәһрәманлы вә тәгсирләндирилән диҝәр 16 шәхсин барәсиндә олан һөкмдән верилән апеллјасија шикајәти үзрә илкин бахыш иҹласы кечирилиб. Бакы Апеллјасија Мәһкәмәсиндә кечирилән просесә һаким Әмир Бајрамов сәдрлик едиб.

Мүдафиә тәрәфинин вәкиләри Јалчын Иманов вә Ҹавад ҹавадов вәсатәт галдырараг, тәгсирләндирилән шәхсләрин дәмир бармаглыг архасындан чыхарылыб вәкилләри илә бирҝә әјләшдирилмәси, мәһкәмә иҹласы заманы аудио-видео чәкилишә иҹазә верилмәси, һәбс гәтимкан тәдбиринин дәјишдирилмәси вә апеллјасија шикајәти үзрә мәһкәмә бахышынын гисмән мәһкәмә истинтагы илә апарылмасыны истәјибләр. Тале Бағырзадә исә бир нечә ҝүн өнҹә ермәни әсҝәрләри тәрәфиндән өлдүрүлән Зәһра Гулијева илә бағлы Азәрбајҹан халгына баш сағлығы вериб:

"Аллаһ Зәһра баламызын јахынларына сәбр версин. Азәрбајҹан һакимијјәти 25 илдир торпагларымызы азад еләмир, анҹаг данышыр, артыг о торпаглары ишғалдан азад етмәјин заманыдыр"

О, верилән мәһкәмә гәрарынын әдаләтсиз олдуғуну билдириб вә Илһам Әлијевин мәһкәмәдә шаһид кими диндирилмәси илә бағлы вәсатәт галдырыб:

"Мәнә гаршы 21 маддә илә иттиһам ирәли сүрүлүб, онларын да бөјүк әксәријјәти өмүрлүк азадлыгдан мәһруметмәни нәзәрдә тутур. Амма мәнә өмүрлүк һәбс ҹәзасы верилмәди, 20 ил азадлыгдан мәһрум едилдим. Мән Илһам Әлијевә үзүмү тутурам, ҝәлсин мәнә изаһ еләсин, әҝәр бу ҹинајәти төрәтмишәмсә, тәшкилатчыјамса, нијә ҝөрә өмүрлүк азадлыгдан мәһрум едилмәдим? Јох, әҝәр ҝүнаһым јохдурса, нијә ҝөрә инди бурдајам?"

Бундан сонра һакимләр мүшавирәјә ҝедиб. Мәһкәмә коллеҝијасы бир нечә дәгигәдән сонра ҝери гајыдараг һеч бир вәсатәти тәмин олунмадығыны елан едибләр.

Мәһкәмә заманы ајдын олуб ки, мүдафиә тәрәфинин 8 ијун тарихиндә мәһкәмә иҹлас протоколуна вердији гејдләр Бакы Ағыр Ҹинајәтләр Мәһкәмәси тәрәфиндән рәдд едилиб. Мәһкәмәнин 23 ијун тарихли гәрары илә мүдафиә тәрәфин иҹлас протоколуна вердији гејдләрин һеч бири тәмин едилмәјиб.

Һаким мәһкәмә истинтагы апарылмадан апеллјасија шикајәти үзрә нөвбәти мәһкәмә бахышынын 13 ијул саат 15:00-дә кечирилмәсинә гәрар вериб.

2015-ҹи ил нојабрын 26-да Баш Мүтәшәккил Ҹинајәткарлыгла Мүбаризә Идарәсинин Бакынын Нардаран гәсәбәсиндә кечирдији әмәлијјатда, икиси полис олмагла, 6 нәфәр һәлак олуб. Рәсми иттиһама ҝөрә, радикал силаһлы дәстә полис әмәкдашларына силаһлы мүгавимәт ҝөстәриб вә өләнләр бу гаршыдурмада һәјатларыны итирибләр.

Нардаранда вә Сабунчу Рајон Полис Идарәсинин гаршысында баш верән һадисәләрә ҝөрә 70-дән чох адам һәбс олунуб. Онларын бир гисминә силаһ сахлама иттиһамы илә илјарымдан 2 ил 6 ајадәк һәбс ҹәзасы кәсилиб, 40 нәфәрдән чох адама исә даһа ағыр маддәләрлә (дөвләт чеврилишинә ҹәһд, террорчулуг, дини нифаг салма вә с.) иттиһамлар верилиб. Үч група ајрылан ҹинајәт иши Бакы Ағыр Ҹинајәтләр Мәһкәмәсинә ҝөндәрилиб. Мүсәлман Бирлији Һәрәкатынын сәдри Тале Бағырзадә вә даһа 17 нәфәрин мәһкәмәси јекунлашыб. Тале Бағырзадә вә Аббас Һүсејновун һәр биринә 20 ил, диҝәрләринә 10 илдән 19 иләдәк һәбс ҹәзасы верилиб. Һәрәси 12 нәфәрдән ибарәт даһа ики групун мәһкәмәси давам едир.

 

Диггәт: Хәбәрдән истифадә етдикдә мәнбәјә истинад лазымдыр  


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

پیام امام خامنه ای به مسلمانان جهان به مناسبت حج 2016