Азәрбајҹан Хәбәрләри

Тале Бағырзадә Аббас Һүсејнову тәбрик етди

Тале Бағырзадә Аббас Һүсејнову тәбрик етди

Тале Бағырзадә: Аббас, сәнә ҝетдијин иман, азадлыг, әдаләт јолунда мөһкәм олмағы, мүбаризәнин нәтиҹәсини ҝөрмәји арзулајырам.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мартын 3-ү Нардаран мәһбусу Аббас Һүсејновун 31 јашы тамам олуб. Мүсәлман Бирлији Һәрәкатынын сәдри Тале Бағырзадә бу мүнасибәт илә Аббас Һүсејнова тәбрик үнванлајыб. Јахынларынын Ракурс ТВ-ә вердији мәлумата ҝөрә илаһијјатчы тәбрикләрини телефон данышығы заманы чатдырыб. Сөзүҝедән тәбрикин мәтнини тәгдим едирик:

"Әзиз гардашым, Аббас! Зинданда кечирдијин 31-ҹи јаш ҝүнүн мүбарәк олсун. Сән азадсан, һәмишә дә азад олмусан. Она ҝөрә мән сәни мәһкум, мәһбус сајмырам. Әсл мәһбуслар сәндән горхуб сәнә 20 ил һәбс ҹәзасы верән бу һакимијјәт вә онларын хидмәтчиләридир. Онлар өз нәфсләринә, һакимијјәт еһтирасларына, горхуларына мәғлуб олуб, азадлыгларыны итирибләр. Сән исә дәмир бармаглыглар архасындакы дурушунла һәбсини истәјән прокурорлардан, һөкм охујан һакимләрдән вә ән нәһајәт бу һәбсин сифаришчиләриндән даһа азадсан.

Гардашым, шүбһә јохдур ки, Аллаһын вәди һагдыр вә һәр кәс өз әмәлләринә ҝөрә ҝеҹ ја тез ҹаваб верәҹәк. Бу халга зүлм едәнләр тарих, инсанлыг вә Аллаһ гаршысында мүһакимә олунаҹаглар. Амма мән инанырам ки, бундан габаг Нардаран дәһшәтини төрәдәнләр, 6 ҝүнаһсыз инсаны өлдүрәнләр, илләрбоју халгын һаггыны гәсб едиб, вәтәнимизи харабаја чевирәнләр елә бу халг гаршысында да өз ҹәзаларына ҹатаҹаглар. Бу, бизләрин, халгымызын мүбаризәси сајәсиндә баш верәҹәк.

Аббас, сәнә ҝетдијин иман, азадлыг, әдаләт јолунда мөһкәм олмағы, мүбаризәнин нәтиҹәсини ҝөрмәји арзулајырам. Тәшәккүр едиб, етдикләринин дәјәрини ашағы салмаг истәмирәм. Аллаһ вә гәдирбилән халгымыз фәдакарлыгларына шаһиддир. "Буна ҝөрә дә, сәбр ет ки, Аллаһын вәди һагдыр" (Ғафир/55)

Тале Бағырзадә

Гобустан Һәбсханасы"


Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Quds cartoon 2018
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди