Азәрбајҹан вә Анти-Шиә Сијасәтләрин Давамы

Нардаран иши 3-дә көһнә ишверән Балахан Һүсејнов Сејјид Елманлн үзүнә дурду

  • Хәбәрин коду : 841029
  • Мәнбә : Ракурс ТВ
Хүласә

Вәкил, Ләнкәран шәһәр Диҝаһ кәнд бәләдијјәсиндә ишләјән ејни заманда рајонда “ишверән” кличкасы илә мәшһур олан 65 јашлы Балахан Һүсејнова: "2012-2015-ҹи илләр әрзиндә сиз 44 ҹинајәт ишиндә ифадә вермисиз. Бу, неҹә олур?"

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ијулун 7-дә "Нардаран иши-3" үзрә Бакы Ағыр Ҹинајәтләр Мәһкәмәсиндә Шиә руһаниси вә Гуран Һафизи Һөҹҹәтүл Ислам Зүлфүгар Микајылов, Һөҹҹәтүл Ислам Сејјид Елман Ағајев, Һөҹҹәтүл Ислам Рамил Сејфуллајев вә Һөҹҹәтүл Ислам Рузи Исмајылов Исламчы фәаллардан Фаиг Аллаһвердијев, Меһман Гулијев, Меһман Мәммәдов, Елдар Бүнјатов, Елхан Һәсәнов, Мүбариз Ибраһимов, Әли Һүсејнов вә Ҹабир Әлијевин сүбута јетмәјән ҹинајәт иши үзрә мәһкәмә иҹласы давам едиб.

кечирилән гондарма мәһкәмә просесиндә тәгсирләндирилән Зүлфүгар Микајылзадә дејиб: "Лачын адлы шәхс варды, Сејјид Фәрамизи тутдурмушду, дәли олду. Мән белә адамларын агибәти барәдә дүшүнәндә горхурам"

Әдаләтсиз һаким Зејнал Ағајевин сәдрлик етдији просесдә Балахан Һүсејнов вә Вагиф Бајрамов шаһид гисминдә ифадә верибләр. Һәр ики шаһид истинтага вердикләри илкин ифадәни тәсдигләјиб. Балахан Һүсејнов 65 јашы олдуғуну, Ләнкәран шәһәр Диҝаһ кәнд бәләдијјәсиндә ишләдијини дејиб.

О, тәгсирләндирилән Елман Ағајевин она "Тале Бағырзадәнин мүраҹиәти" адлы китаб вердијини билдириб:

"Елманы таныјырам. Елман Ағајев мәнә китабча вериб. 1 дәнә олуб. Тәк мәнә јох, башгаларына да китаб пајлајыб. Дејирди ки, Тале һакимијјәтә ҝәләҹәк"

Һаким ондан Сејјид Е.Ағајевин китаблары һарада пајладығыны сорушуб. Б. Һүсејнов Е.Ағајевин кәнд мејданында чадыр гурдуғуну, орда чыхышлар етдијини вә китаб пајладығыны, ону исә һәмин чадыра бурахмадыгларыны дејиб. Бундан сонра тәгсирләндириләнин вәкили Акиф Әлијев шаһидә суаллар үнванлајыб. Онлар арасында ашағыдакы шәкилдә суал-ҹаваб олуб:

Вәкил: "2012-2015-ҹи илләр әрзиндә сиз 44 ҹинајәт ишиндә ифадә вермисиз. Бу, неҹә олур?"

Шаһид: "Бунун мәним ишимә һеч бир дәхли јохдур. Нормал ифадәми вермишәм"

Вәкил: "Һүгуг-мүһафизә органлары илә әмәкдашлыг едирсиз? Онларла неҹә әлагә сахлајырсыз?"

Шаһид: "Хејр, етмирәм. Лазым оланда өзләри мәни тапырлар"

Вәкил: "Елман Ағајев 2015-ҹи илдә һәбс олунуб, ондан 1 ај әввәл исә "Бондотдел"дә Мошу Пашајевин истинтагыны апардығы ҹинајәт ишиндә ифадә вермисиниз"

Б. Һүсејнов билдириб ки, охујуб-јазмағы баҹармыр, "Бондотдел"дә дә ифадәни өзү јазмајыб. А. Әлијев ондан әризәни кимин јаздығыны сорушуб. Шаһид "сәһв етмирәмсә, Вагиф мүәллим (Вагиф Бајрамов) јазды", - дејә, ҹаваб вериб.

Вәкилин суалларындан сонра тәгсирләндирилән З.Микајылзадә чыхыш үчүн сөз истәјиб. О, һакимә мүраҹиәт едиб:

"Сејјид Фәрамизин (2011-ҹи илдә һәбс олунан илаһијјатчы Фәрамәз Аббасов) үзүнә Әлиһүсејн адлы бир нәфәр дурду. Деди ки, мәним адым ики имамын адыны дашыјыр - имам Әли вә имам Һүсејнин. Сејјид Фәрамиз деди ки, Аллаһ сәнинлә билдији кими еләсин. 2 ај кечмәди ки, һәмин адамы иҹра һакимијјәтинин габағында машын вурду. Лачын адлы шәхс варды, Сејјид Фәрамизи тутдурмушду, о да дәли олду. Мән белә адамларын агибәтини дүшүнәндә горхурам, јазығым ҝәлир онлара".

З.Микајылзадәнин сөзләринин ардынҹа Е.Ағајев шаһидә бир нечә суал үнванлајыб. Лакин һаким она тәхрибат характерли вә тәкрар суаллар вердијини әсас ҝәтирәрәк, суалларыны давам етдирмәјә иҹазә вермәјиб. Шаһид залдан чыхарылыб. Бу, тәгсирләндириләнләрин вә залдакыларын наразылығына сәбәб олуб. Е.Ағајев "Бу адама пул верибләр мәним үзүмә дуруб, сабаһ пул верәҹәкләр Зејнал Ағајевин үзүнә дураҹаг", - дејә, һакимә етиразыны билдириб. Мүдафиә тәрәфинин вәкилләри вәсатәт галдырараг, мәһкәмә тәркибинин дәјишдириләмәсини истәјиб, мәһкәмә коллеҝијасы исә етиразы әсассыз һесаб едәрәк, тәмин етмәјиб.

Даһа сонра Вагиф Бајрамов диндирилиб. О, 71 јашы олдуғуну, Ләнкәран шәһәр иҹра һакимијјәтинин Диҝаһ кәнд нүмајәндәлијиндә Евләр комитәсинин сәдри вәзифәсинә ишләдијини дејиб. Сәһһәти илә бағлы проблемләри олдуғу үчүн верилән суаллара әјләшәрәк ҹаваб вериб. В. Бајрамов дејиб ки, кимсә она Тале Бағырзадәнин мүраҹиәти" адлы китаб вериб, китаб верән шәхсин Е.Ағајев олдуғуну исә истинтаг идарәсиндә өјрәниб:

"Елман Ағајеви чох истәјирәм. Ләнкәран ҹамаатынын да онун һаггында фикирләри јахшыдыр. Китабы о мәнә верди... Полис рәиси деди ки, китабын ичиндә дөвләт әлејһинә чыхышлар вар, мән өзүм охумамышам ону. "Бандотдел"дә дедиләр ки, китабы Е.Ағајев вериб"

Бу заман диҝәр тәгсирләндирилән Елхан Һәсәнов Вагиф Бајрамова мүраҹиәт едиб:

"Биз сәнинлә гоншујуг. Мәни јахшы таныјырсан. Китабы сәнә мән вермишдим!"

В. Бајрамов Е. Һәсәновла гоншу олдғуну тәсдигләсә дә, китабы онун вермәдијини дејиб.

Нөвбәти просес ијулун 10-а тәјин олунуб.



Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди