Ганлы Јанвар Фаҹиәсинин Илдөнүмү

Гум Елми Һөвзәси: Азәрбајҹанлы тәләбәләрин 20 Јанвар фаҹиәсинин 28-ҹи илдөнүмү илә әлагәдар бәјанаты

Гум Елми Һөвзәси: Азәрбајҹанлы тәләбәләрин 20 Јанвар фаҹиәсинин 28-ҹи илдөнүмү илә әлагәдар бәјанаты

“Тарихи јаддашымыза дәрин һүзн, ејни заманда, милли гүрур вә гәһрәманлыг мәктәби кими һәкк олунмуш ганлы Јанвар фаҹиәсиндән артыг 28 ил өтүр. Унудулмасы мүмкүн олмајан бу гәтлиам, инсанлыға гаршы төрәдилмиш гаты ҹинајәт һәр дәфә үрәк ағрысы илә јад едилир...”

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мүгәддәс Гум Елми Һөвзәсиндә тәһсил алан Азәрбајҹанлы тәләбәләр 20 Јанвар фаҹиәсинин 28-ҹи илдөнүмүнү илә әлагәдар бәјанат јајыблар.

Редаксијамыза дахил олан мәлумата ҝөрә, Бәјанатда дејилир:

 

Бисмиллаһир Рәһманир Рәһим

"Тарихи јаддашымыза дәрин һүзн, ејни заманда, милли гүрур вә гәһрәманлыг мәктәби кими һәкк олунмуш ганлы Јанвар фаҹиәсиндән артыг 28 ил өтүр. Унудулмасы мүмкүн олмајан бу гәтлиам, инсанлыға гаршы төрәдилмиш гаты ҹинајәт һәр дәфә үрәк ағрысы илә јад едилир. Јаддашлара Гара Јанвар ҝеҹәси кими һәкк олунмуш һәмин ганлы тарих тәкҹә аҹыларла хатырланмајан, һәм шәһидләримизин аным ҝүнү, һәм дә Азәрбајҹанын әрази бүтөвлүјү уғрунда мүбаризә апаран халгымызын бирлији, фәхр вә шәрәф ҝүнүдүр. Бу һадисәләр бир даһа нүмајиш етдирди ки, халгымыз мүстәгиллијинин, позулмуш һүгугларынын бәрпа олунмасы наминә савашмаг әзминдәдир. Бизим Азәрбајҹанын мүстәгиллијинин бәрпасы уғрунда гурбан ҝетмиш, Аллаһ-тәала нәзәриндә ән јүксәк мәгамлардан сајылан шәһидлик зирвәсинә уҹалмышлара еһтирамымыз әбәдидир.

Бакыја дахил олан силаһлы гошунлар миллијјәтиндән, јашындан вә ҹинсиндән асылы олмајараг, 170 нәфәр силаһсыз мүлки шәхси, о ҹүмләдән јашлылары, гадынлары вә ушаглары амансызҹасына гәтлә јетирмиш, пајтахтда, шәһәрәтрафы гәсәбәләрдә вә рајонларда 800 динҹ, ҝүнаһсыз инсан јараланмыш, јүзләрлә адам иткин дүшмүш, 841 нәфәр ганунсуз һәбс едилмишди. Јаралылары чыхаран тәҹили тибби јардым машынларына вә һәкимләрә дә атәш ачылмыш, нәтиҹәдә тибб ишчиләри шәһид олмуш, јараланмышлар. Һәтта јанварын 20-дә фөвгәладә вәзијјәт елан едилдикдән сонра даһа 21 нәфәр уҹа Шәһидлик мәгамына чатдырылмышдыр. Һүҹум заманы гадаған едилмиш силаһ вә сурсатдан истифадә олунмуш, јаралылар јериндәҹә ҝүлләләнмиш, ағыр һәрби техниканын тыртыллары алтына салынмышлар. Азәрбајҹанлылара гаршы нифрәт һисси илә көкләнән һәрби ҹаниләр һәлак оланларын дәгиг сајыны ҝизләтмәк үчүн һәтта ҹәсәдләри мәһв етмишләр.

Иаламын әлејһинә төрәдилмиш бу дәһшәтли әмәл нәтиҹәсиндә БМТ-нин Инсан Һүгуглары һаггында Үмуми Бәјаннамәси, Мүлки вә сијаси һүгуглар һаггында Бејнәлхалг Пакт вә диҝәр бејнәлхалг һүгуги сәнәдләр кобуд шәкилдә позулса да, өз маһијјәтинә вә мигјасына ҝөрә ХХ әсрдә төрәдилмиш ән дәһшәтли ҹинајәтләрдән олан 20 Јанвар фаҹиәсинә индијәдәк бејнәлхалг һүгуги гијмәт верилмәјиб. Бејнәлхалг һүгуга әсасән, 20 Јанвар фаҹиәси инсанлыг әлејһинә ҹинајәт кими төвсиф едилмәлидир. Бејнәлхалг Ҹинајәт Мәһкәмәсинин Статутунун 7-ҹи маддәсинә әсасән, инсанларын мәһв едилмәси, мәҹбури јоха чыхарылмасы, сијаси, ирги, етник, дини, мәдәни вә ја ҹинси мотивләрә ҝөрә тәгиб едилмәси, ишҝәнҹә, гәсдән ҝүҹлү изтираблара сәбәб олма вә ја ағыр бәдән хәсарәтләри, јахуд физики вә ја психи сағламлыға мүһүм зијан вурмагдан ибарәт олан диҝәр гејри-инсани һәрәкәтләр инсанлыг әлејһинә ҹинајәт кими дәјәндирилир.

Бәјанат, Ислам Конфрансына, Битәрәфләр Конфрансына, БМТ-нин Баш Катибинә, БМТ-нин Тәһлүкәсизлик Шурасына, БМТ-нин Инсан Һүгуглары үзрә Али Комиссарына, Авропа Комиссијасына, Авропа Шурасына, АТӘТ-ә, Бејнәлхалг вә Авропа Омбудсманлар Институтларына, Асија Омбудсманлар Ассосиасијасына, Бејнәлхалг Сүлһ Бүросуна, мүхтәлиф өлкәләрин омбудсманларына, Азәрбајҹан Республикасынын хариҹи өлкәләрдәки вә хариҹи өлкәләрин республикамыздакы сәфирликләринә, Азәрбајҹанын диаспор тәшкилатларына хитаб олунур.

Диггәт: Хәбәрдән истифадә етдикдә мәнбәјә истинад лазымдыр


Әлагәдар Мөвзулар

Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди