Азәрбајҹан Хәбәрләри

Азәрбајҹан Исламчы Мәһбусларын Мүдафиә Комитәсинин нөвбәти тәдбири кечирилиб

Азәрбајҹан Исламчы Мәһбусларын Мүдафиә Комитәсинин нөвбәти тәдбири кечирилиб

Меһбарә Сәмәдова: “Бу ҝүн тәзјиг алтында олмаларына бахмајараг инанҹлы мәһбуслар өз һагг сәсләрини уҹалдырлар. Азәрбајҹан халгында бир нөв дирчәлиш баш версә дә, бу өз етираз сәсини уҹалтмаг вә һаггыны тәләб етмәк үчүн кифајәт дејил. Мүсәлман Азәрбајҹан халгы Имам Һүсејн (ә) јолунун јолчусудур, шүҹаәт вә гејрәт нүмунәсидир. Одур ки, белә бир милләт ҹәмијјәтдә өз һагглары уғрунда мүбаризә апармалыдыр”.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, тәдбирдә өлкәнин зијалылары, руһани алимләри, партија вә тәшкилат рәһбәрләри, мәһбус аиләләри вә медиа мәнсублары иштирак едибләр.

Тәдбири ҝириш нитги илә ачан Исламчы Мәһбусларын Мүдафиә Комитәсинин сәдри Елдәниз Гулијев өнҹә тәшриф бујуран гонаглары саламлајыб . Исламчы Мәһбусларын Мүдафиә Комитәси олараг белә тәдбирләри-тез-тез кечирдикләринә, бу саһәдә проблемләрин даһа да артдығына диггәт чәкиб. Һәбсдә олан инанҹлыларын вәзијјәтинин гәнаәтбәхш олмадығылны дилә ҝәтириб. Елдәниз Гулијев билдириб ки, гануни јолларла һәбсдә олан инанҹлыларла ҝөрүшмәјә чалышса да, буна имкан вермирләр. Һәтта инанҹлылара мүхтәлиф әрзаг вә диҝәр зәрури васитәләрин чатдырылмасына да проблемләр јарадырлар. Она ҝөрә дә, комитә кими һансы зәрури аддымлары атмалы олдуғумузу дүшүнмәли вә фикир мүбадиләси апармалыјыг.

Дәјирми масада сөз алан АИП функсионери Елмар Сәмәдов чыхышында мүхтәлиф мәгамлара тохунуб. О, билдириб ки, бу ҝүн һәбсдә олан руһаниләрә террорчу дамғасы вурмаг үчүн әлләриндән ҝәләни едирләр. Одур ки, белә давам едәҹәји тәгдирдә инанҹлы сијаси мәһбусларын сајы һәр ил даһа да артаҹаг. Она ҝөрә дә, бу мәсәләјә хүсуси диггәт ҝөстәрилмәлидир.

Тәдбирдә чыхыш едән АИП лидери Һаҹы Мөвсүм Сәмәдовун ханымы Меһпарә Сәмәдова билдириб ки, Азәрбајҹандан тәгрибән 12-17 мин инсанын Әрбәин јүрүшүндә иштирак етмәсиндән һәр кәс јазыр вә данышыр. Белә әзәмәтли јүрүш кечирән халгын өз өлкәсиндә онларла руһани алиминин мәһбәс һәјаты јашамасы исә утанҹвериҹидир: “Бу ҝүн тәзјиг алтында олмаларына бахмајараг инанҹлы мәһбуслар өз һагг сәсләрини уҹалдырлар. Азәрбајҹан халгында бир нөв дирчәлиш баш версә дә, бу өз етираз сәсини уҹалтмаг вә һаггыны тәләб етмәк үчүн кифајәт дејил. Мүсәлман Азәрбајҹан халгы Имам Һүсејн (ә) јолунун јолчусудур, шүҹаәт вә гејрәт нүмунәсидир. Одур ки, белә бир милләт ҹәмијјәтдә өз һагглары уғрунда мүбаризә апармалыдыр”.

Гарабағ Уғрунда Ислами Мүгавимәт Һәрәкатынын рәһбәри Рөвшән Әһмәдли исә өлкә конститусијасынын садәҹә кағыз үзәриндә олдуғуну билдириб. Гејд едиб ки, конститусија ганун олса иди, өлкәдә бу гәдәр һагсызлыға јол верилмәзди. Формал конститусија олдуғу тәгдирдә һәбсләр давам едәҹәк вә һеч ким дә бу һәбсләрдән сығорталанмајаҹаг.

Тәдбирдә сөз алан диҝәр гонаглар да мөвзу әтрафында өз фикирләрини сәсләндирибләр.

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)