Авропа Хәбәрләри

Ҝүрҹүстанда Һз. Фатимәји Зәһранын Милад Бајрамы мүнасибәти илә силсиләвари тәдбирләр кечирилир - Фото

Ҝүрҹүстан Мүсәлманлары Идарәсинин шејхи Һаҹы Рамин Иҝидов вә дин мүәллимәләри Ҹәннәт ханымы “Һз. Зәһранән (с.ә) симасында Исламда аилә мәдәнијјәти” вә “нүмунәви гадын” мөвзуларында әтрафлы мәлуматлар вердиләр.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ҝүрҹүстанда бу ҝүнләрдә һәзрәт Пејғәмбәримизин (сәлләллаһу әлејһи вә алиһ) Әзиз Гызы, Имамәт Анасы, Ханымлар Ханымы Фатимеји Зәһранын (сәламуллаһи әлејһа) мүбарәк мөвлуду мүнасибәти илә мүхтәлиф шәһәр, рајон вә кәндләриндә мәрасимләр кечирилмәси нәзәрдә тутулуб.

Илк тәдбир Марнеули рајонунун Алҝет кәндиндә јерләшән “Маһмудоғлу” шадлыг сарајында БҜМИнин нәздиндә фәалијјәт ҝөстәрән “Мүсәлман Гадынлар Иҹмасы”нын тәшкилатчылығы илә мәрасим шәкилиндә кечирилди.

Ханымларын иштирак етдији мәрасимдә Гурани-Кәримин тилавәтиндән сонра Һз. Зәһранын (с.ә) һәјатындан, фәзиләт вә мәгамындан сөһбәтләр едилди. Чыхыш едән Ҝүрҹүстан Мүсәлманлары Идарәсинин шејхи Һаҹы Рамин Иҝидов вә дин мүәллимәләри Ҹәннәт ханымы “Һз. Зәһранән (с.ә) симасында Исламда аилә мәдәнијјәти” вә “нүмунәви гадын” мөвзуларында әтрафлы мәлуматлар вердиләр.

Бајрам сүфрәси әтрафында тәшкил олунан мәрасимдә мәддаһ Сәид Һәсән илаһиләр охуду вә шеирләр сөјләди.

Сонда ханымлар арасында јарыш тәшкил олунуб, галибләринә вә Фатимә вә Зәһра адларыны дашыјыҹыларына һәдијјәләр тәгдим олунду. Мәрасим дуа охумагла сона чатды. Гонаглара журнал, тәгвим вә постерләр пајланды.

Ҝүрҹүстан Мүсәлманлары Идарәси Ханым Зәһранын (с.ә) әзиз хатирәсини јад етмәк мәгсәдилә кечирилән мәрасимләрә зәһмәти кечән һәр кәсә вә шадлыг сарајынын саһибинә дәрин миннәтдарлығыны билдирир, меһрибан Аллаһдан мүкафат диләјир.



Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди