Севинҹлә Долу Ҝүнүз Мүбарәк!

Бу ҝүн Әзиз Ислам Пејғәмбәри (с) вә Имам Садигин (ә) Мөвлуд Ҝүнүдүр

Мөвлуд ҝүнүнүн әмәлләри

  • Хәбәрин коду : 798811
  • Мәнбә : Дејерлер
Хүласә

Исламын Әзиз Пејғәмбәри Һәзрәт Муһәммәд ибн Абдуллаһ (с) ҹүмә ҝүнү рәбиул-әввәл ајынын 17-дә Фил илиндә мүгәддәс Мәккә шәһәриндә Алтынҹы Имам Ҹәфәр Садиг (ә) исә, һиҹрәтин 83-ҹү или рәбиул-әввәл ајынын 17-дә мүгәддәс Мәдинә шәһәриндә дүнјаја ҝәлмишдир.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн һиҹри гәмәри тәгвими илә рәбиул-әввәл ајынын 17-си Әзиз Ислам Пејғәмбәринин (с) вә алтынҹы Имам Ҹәфәр Садигин (ә) мөвлуд ҝүнүдүр.

Артыг бир һәфтәдир ки, бүтүн Ислам дүнјасы Әзиз Ислам Пејғәмбәринин (с) мөвлуду мүнасибәти илә “Вәһдәт һәфтәси” ады алтында бајрам тәдбирләри кечирир.

Исламын Әзиз Пејғәмбәри Һәзрәт Муһәммәд ибн Абдуллаһ (с) ҹүмә ҝүнү рәбиул-әввәл ајынын 17-дә Фил илиндә мүгәддәс Мәккә шәһәриндә дүнјаја ҝөз ачыб. Онун ады Муһәммәд (с), күнјәси Әбүл-Гасим, атасынын ады Абдуллаһ вә анасы исә Вәһәбин гызы Аминә иди.

Алтынҹы Имам Ҹәфәр Садиг (ә) һиҹрәтин 83-ҹү или рәбиул-әввәл ајынын 17-дә мүгәддәс Мәдинә шәһәриндә дүнјаја ҝәлиб. Исламын алтынҹы имамынын ады Ҹәфәр (ә), күнјәси Әбу Абдуллаһ, ләгәби исә Садигдир. Имам Садигин (ә) атасы бешинҹи Имам Муһәммәд Багир (ә), анасы исә Умму Фәрвәдир.

"Мөвлуд Ҝүнү"нүн әмәлләри:

Әһли-Бејтин (ә) нәзәринә ҝөрә Пејғәмбәримиз (с) бу ҝүнү дүнјаја ҝәлмишдир. Ҝүнүн бир нечә әмәлләри вардыр:

1. 17-ҹи ҝүнүн нијјәти илә гүсл алмаг.

2. Оруҹ тутмаг. Аллаһ бу оруҹ үчүн бир илин оруҹ савабыны мүәјјән етмишдир.

3. Сәдәгә вермәк, еһсан етмәк вә мөмини севиндирмәк.

4. Һәзрәтин (с) зијарәтини охумаг. Һәзрәтдән (с) белә бир һәдис вардыр: “Һәр ким өләндән сонра мәним гәбрими зијарәт едәр, о кәс кими олар ки, һәјатда олан заман мәнә тәрәф һиҹрәт етмишдир. Әҝәр мәни јахындан зијарәт едә билмирсә, узаг јолдан мәнә салам ҝөндәрсин”.

5. Бу ҝүнү Имам Әлини (ә) зијарәт етмәк дә мүстәһәбдир. Неҹә ки, Имам Садиг (ә) һәмин ҝүнү Имам Әлини (ә) зијарәт етмишди.

6. Бу ҝүнү әзиз тутмаг лазымдыр. Јахшы олар ки, мүсәлманлар о ҝүнү бајрам тәшкил етсинләр. Һәзрәт Пејғәмбәрин (с) әхлагы, һәјаты вә сүннәти илә даһа јахындан таныш олсунлар.

7. Бу ҝүн һәм дә әзиз 6-ҹы Имамымыз Һәзрәт Садигин (ә) мөвлуд ҝүнүдүр.

"Дәјәрләр" олараг, ағамыз Имам Саһиб Заман (ә.ф) һәзрәтин һүзуруна тәбрик әрз едир вә бүтүн мүсәлманлары бу ҝөзәл бајрам мүнасибәти илә тәбрик едирик.



Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

پیام امام خامنه ای به مسلمانان جهان به مناسبت حج 2016