Әгилеји Бәни Һашим (әлејһа сәлам)

АБНА Ханым Зејнәбин (ә.с) мөвлуду ҝүнү мүнасибәтилә Сизи тәбрик едир! - Шер

  • Хәбәрин коду : 734876
  • Мәнбә : АБНА- Хәбәр Аҝентлији
Хүласә

Имам Сәҹҹад бибиси Зејнәб (с.ә) барәсиндә билдирир: "Кәрбәлада бүтүн о мүсибәтләрә бахмајараг, бибим Зејнәб һәтта өз мүстәһәб намазларыны да гылырды, минаҹатларыны едирди. Бүтүн бу мәһруумијјәтләр, сәфәр јорғунлуғу вә јетимләрә нәвазиш ону бир ан да Аллаһдан узаг салмырды".

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, һиҹрәтин 5-ҹи илиндә Ҹәмадиул-әввәл ајынын 5-дә Мәдинә шәһәриндә Нүбуввәт вә Имамәт (Пејғәмбәрлик вә Имамлыг) Ханданында Исламын әзәмәтли гадынларындан вә Кәрбәла гәһрәманы кими мәшһур олан Ханым Зејнәб (сәламуллаһи әлејһа) дүнјаја ҝөз ачыб.

Биз АБНА олараг бу бәрәкәтли вә нурани ҝүн мүнасибәти илә башда Имам Заман (Аллаһ Тәала онун зүһуруну тезләшдирсин) һәзрәтләринә, Һагг Наиби Имам Хаменеи һәзрәтләринә вә Али Тәглид Мәрҹәләринә, үмүмдүнја Әһли Бејт (әлејһим сәлам) Мәктәбинин давамчыларына сонда бүтүн дүнја халгларына тәбрик әрз едирик!

Гејд едиб билдиририк ки, Ханым Зејнәб (с.ә) јүксәк әхлага, сәбрә, әзәмәтә, елмә вә натиглијә саһиб бир ханым иди. Ханым Зејнәб, тәкҹә гадынлар арасында дејил, кишиләр арасында да нүмунәси аз-аз тапылан гадын иди.


Илаһи ҝөстәришлә гојулан ад - Зејнәб

Ханым Фатимә (с.ә) Зејнәби (с.ә) дүнјаја ҝәтирәндә Пејғәмбәр (с) Мәдинәдә јох иди. Она ҝөрә дә Ханым Фатимә Әлидән (ә) ушаға ад гојмасыны истәди. Әли (ә) исә билдирди ки, Аллаһын Пејғәмбәринин (с) сәфәрдән дөнмәсини ҝөзләсинләр вә О, һансы ады мәсләһәт билсә, о ады да гојаҹаглар. 3 ҝүндән сонра Пејғәмбәр (с) сәфәрдән дөндү. Әли (ә) мәтләби она анлатды. Вә ондан ушаға ад гојмасыны истәди. Пејғәмбәр (с) билдирди ки, Фатимәнин өвладлары мәним өвладларым олса да, онлар барәсиндә гәрар вермәк јалныз Аллаһа мәхсусдур. Она ҝөрә дә мән илаһи вәһји ҝөзләмәлијәм. Бундан сонра Ҹәбраил (ә) назил олараг билдирди: "Ја Пејғәмбәр, Аллаһ бујурур ки, бу гызын адыны Зејнәб гојасан. Чүнки бу ады Лөвһи-Мәһфузда бу ҹүр јазмышам". Буну ешидән Пејғәмбәр (с) тәзә доғулан көрпәни онун јанына ҝәтирилмәсини истәди. Ушағы гуҹағына алан Пејғәмбәр (с) ону өпәрәк бујурду: "Үммәтин һал-һазырда мөвҹуд оланларына вә ҝәләҹәк нәсилләрә вәсијјәт едирәм ки, бу гызын гәдрини билсинләр, она һөрмәт етсинләр. Чүнки о, Хәдиҹәји-Кубра кимидир".


Бир гәлб, ики мәһәббәт

Ханым Зејнәб (ә) һәлә ушаг јашларындан јүксәк мәрифәтә саһиб иди. Бир ҝүн о, атасы Әлидән (ә) сорушур: "Атаҹан, мәни истәјирсән?" Әли ҹаваб верир ки, бәли, гызым, истәјирәм. Бу ҹавабдан сонра Ханым Зејнәб (ә) бујурур: "Ики мәһәббәт- Аллаһа вә өвладлара гаршы дујулан мәһәббәт бир гәлбә сыға билмәз. Она ҝөрә дә, әслиндә, халис вә һәгиги мәһәббәт Аллаһа мәхсусдур. Шәфгәт, үрәји јанма вә рәғбәт исә өвладлара мәхсусдур. Вә өвладлара гаршы дујулан мәһәббәт өзү дә Аллаһа хатир олур".


"Мүсибәтләр анасы"

Һеч шүбһәсиз ки, Ханымын һәјатынын ән чәтин вә ән дәјәрли анлары Кәрбәла мүсибәтиндә - гардашы Имам Һүсејнин (ә) Гафиләсиндә олмасыдыр. Буна ҝөрә дә Ханымы "мүсибәтләр анасы" адландырырлар. Дағлар бөјүклүјүндә дәрд ҝәлир, гәм ҝәлир, амма Ханым Зејнәб сәбр едир. Имам Һүсејни, Һәзрәт Аббасы шәһадәтә јетирирләр, амма о сәбр едир. Бу азмыш кими ики оғлуну да шәһадәтә ҝөндәрир. Амма тәмкинини итирмир. Буна ҝөрә дә бирмәналы олараг, Кәрбәла һадисәсини тәдгиг едәнләр билдирирләр ки, Имам Һүсејнин (ә) вәзифәси Кәрбәлаја гәдәр иди, ондан сонра исә һеч дә даһа аз мәсулијјәтли олмајан бу мәшум һадисәни јашатмаг вәзифәси ҝәлирди. Буну да Ханым Зејнәб ән камил шәкилдә јеринә јетирди.


Мәһрумијјәтләр ичиндә ибадәт

Имам Сәҹҹад бибиси Зејнәб (с.ә) барәсиндә билдирир: "Кәрбәлада бүтүн о мүсибәтләрә бахмајараг, бибим Зејнәб һәтта өз мүстәһәб намазларыны да гылырды, минаҹатларыны едирди. Бүтүн бу мәһруумијјәтләр, сәфәр јорғунлуғу вә јетимләрә нәвазиш ону бир ан да Аллаһдан узаг салмырды". Бундан әлавә, Кәрбәла гәһраманын ибадәтиндән хәбәрдар олан Сејјидуш-Шүһәда Имам Һүсејн (ә) Ханыма бујурмушду: "Әзиз баҹым, гылдығын ҝеҹә намазларында мәнә дуа етмәји унутма".

Ханым Зејнәб (әлејһа сәлам) Мөвлудуна Даир Гошулмуш Шеир



Бу ҝүн Вилајәт-ашигин мәһәббәти билиндирир,
Дејир: - Мүбарәк еј Рәсул, Пејәмбәрин севиндирир.


Ҝәлиб севинмәјин дәми, силиб үрәкдән һәр гәми,
Ҝәлир мәләк дә тәбрикә әзиз Рәсули-әкрәми.
Әлијју Фатимә гызы, Һәсән, Һүсејнин һәмдәми,
О Зејнәбин виладәти тутуб севинҹә аләми,
Севәнләрин нәинки дил – үрәк сәдасы диндирир.


Таны ҝәлән бу инҹини, билинмәз әсл гијмәти,
Худа вериб бу инҹидә Әлијә ајры зинәти.
Ҝөрүн: - Ханым әсир дүшүр, чәкир әзаб-әзијјәти,
О дағ вүгарлы ҝөркәми, сөзүндәки бәлағәти
Јәзиди (лән) лал едир, донан үрәкләри исиндирир.


Бу Зејнәбин ҹәсарәти ҝәр, олмасајды бир заман,
Бу ҝүн һәгигәтин јерин ҝүман тутарды, ја јалан,
Сусарды Кәрбәла чөлү, едәрди өз гәмин ниһан,
Итәрди дини-Мустафа, чәтин галарды бир нишан,
Ҝәлир ҝүманә бу фикир, ағыллары дүшүндүрүр.


Үрәк сыхылмасын, әҝәр, ону чәтинлик инҹидир,
Худајә анд верилсә Зејнәб исми тәкҹә, бәс едир.
Тәвәссүл ејләјән кәсә Ҹаһанда дәрди-сәр нәдир?
Сәнин гапындан еј Ханым, ҝәлир шәфа тапыр ҝедир –
Әҝәр бирин бәла јыхыр, дизин-дизин сүрүндүрүр.


Ганад ач, еј сөзүм, јетиш, һүзуруна салам јетир,
Үрәк ҹошур севинҹ илә, ҝәлир хәјалә мин фикир.
Јазылды вәсфи-шәнинә бу кәлмәләр сәтир-сәтир,
Нәзәр салыбсан еј Ханым, нәинки сөз мәнимкидир,
Сәнин адынла Шаһин өз сөзүн бәһајә миндирир.

Шаһин Гурбанов
Имам Садиг (ә) адына Ислам Маарифи Академијасы
«Дәјәрләр» Журналистика Мәктәбинин мәзуну

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
We are all zakzaki
Һәзрәт Пејғәмбәрдән (с) башга Әзрајыл (ә) һеч кәсдән руһуну гәбз етмәк үчүн иҹазә алмајыб (Һәдис)