Илаһи Инҹиләрин Нур Сил-Силәси

Имам Һәсән Әскәринин (ә) Шиәләрә вәсијјәти: Сүнниләрин топлумунда намаз гылын, ҹәназәләринин дәфниндә һазыр олун...

  • Хәбәрин коду : 804201
  • Мәнбә : АБНА – Хәбәр Аҝентлији
Хүласә

Сиздән бириниз бу дејиләнләрә әмәл едиб, доғру данышарса, әманәтә хәјанәт етмәзсә вә ҹамаатла ҝөзәл рәфтар едәрсә, дејәҹәкләр бу киши Шиәдир! Бу сөз Мәни (вә үмүммиликдә бүтүн Әһл-Бејти) севиндирәҹәк.

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Аллаһ тәала, онун Рәсулу вә јер үзәриндә Хәлифә Ҹанишин тәјин етдији Имамларын дәвәтләри бүтөвлүкдә Төвһид вә Вәһдәтәдир.

Вәһдәт вә бу принсибин горунуб сахланмасы Исламда әсас амилләрдән сајылыр. Белә ки, вилајәт сәмасынын 11-ҹи парлаг улдузу һәзрәт Имам Һәсән Әскәри (әлејһи сәлам) бу барәдә ҝөзәл ачыгламалары вә ҹәмијјәтин мөмин тәбәгәсинә дәјәрли тапшырыглары вардыр.

 

Имам Һәсән Әскәри (әлејһи сәлам) Шиәләрә вәсијјәтиндә бујурур:

"Сизләрә төвсијә едирәм ки, тәгвалы олун вә вәрә`низ олсун. Аллаһа үсјан едиб ҝүнаһа дүшмәкдән горхун.

Аллаһ үчүн чалышын. Доғру данышан вә сәдагәтли олун.

Сизә етимад едиб верилән әманәтләрә хәјанәт етмәјин, фәрг етмәз ки әманәт саһиби салеһ инсане олсун јохса фаҹир вә фасиг олсун.

Чох рүку вә сәҹдә един, рүкү вә сәҹдәдә чох галын.

Гоншуларынызла (дин, мәзһәб вә милләтиндән асылы олмајараг) јахшы давранын.

Бу һәзрәт Мәһәммәдин (сәлләллаһу әлејһи вә алиһ) ҝәтирдији диндир.

Онларын (сизинлә јашајан әһли-сүннә) топлумунда намаз гылын, ҹәназәләринин дәфниндә һазыр олун, хәстәләрини зијарәт един, онларын һүгугларыны риајәт един, һагларыны әда един.

Сиздән бириниз бу дејиләнләрә әмәл едиб, доғру данышарса, әманәтә хәјанәт етмәзсә вә ҹамаатла ҝөзәл рәфтар едәрсә, дејәҹәкләр бу киши Шиәдир! Бу сөз Мәни (вә үмүммиликдә бүтүн Әһл-Бејти) севиндирәҹәк.

Аллаһ Тәалаја гаршы чыхыб ҝүнаһ етмәкдән горхун. Бизә зинәт вә јарашыг олун (јәни: Бизи өз әмәлләриниз вә ҝөзәл әхлагынызла инсанлара севдирин). Бизә утанҹ ҝәтирмәјин (јәни: Гејри-Шиәләри өз пис әмәлләринизлә Бизә дүшмән етмәјин).

Бизим үчүн инсанларын достлуғуну газанын. Јахшылыглары бизә тәрәф чәкин, писликләри биздән узаглашдырын.

Бизим һаггымызда дејилән бүтүн ҝөзәлликләр биздә вар. Һаггымызда дејилән бүтүн писликләрдән узағыг.

Бизим үчүн Аллаһ китабында һагг вардыр вә Аллаһ Рәсулунун (сәлләллаһу әлејһи вә алиһ) јахынларыјыг. Бизим паклығымыз Аллаһ тәрәфиндәндир. Буну биздән башга һәр кәс иддиа етсә јаланчыдыр.

Аллаһы чох зикр един, өлүмү даим јада салын. Гуран чох охујун. Пејғәмбәрә (сәлләллаһу әлејһи вә алиһ) чох салават дејин. Һәгигәтән дә Пејғәмбәрә (сәлләллаһу әлејһи вә алиһ) салават демәкдә он ҝөзәллик вар.

Сизә етдијим вәсијјәти горујун. Сизи Аллаһ әманәт едир вә сизә салам дејирәм".

(Туһәфул Угул, Имам Әби Муһәммәд Һәсән ибн Әлинин (әлејһи сәлам) нәгл етдији Баб, сәһ. 488)

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди