Һәдис вә Сүннә

“Бисмиллаһ”ын бәрәкәти илә әлдә олунан гуртулуш

Гурани Кәримдә “Бисмилләһир-Раһмәнир-Раһим!” кәлмәси Пејғәмбәрә (сәлләллаһу әлејһи вә алиһ) 114 дәфә назил олмушдур...

  • Хәбәрин коду : 803318
  • Мәнбә : Дејерлер “Тебјан”-а истинадла
Хүласә

“Бисмилләһир-Раһмәнир-Раһим!” һәм мүбарәк Ислам дининин нишанәси вә һәм шүары, һәм Аллаһы тәсбиһ етмәк, һәм һәр бир ишин мәгсәдинә чатмасына зәманәтдир.

Әһли Бејт (әлејһимус-сәлам) - АБНА – Хәбәр Аҝентлији- Аллаһ Тәала инсанлара һәр бир ишини “Бисмиллаһ” илә башламаларыны өјрәтмәк үчүн һәм Гураны вә һәм дә сурәләри “Бисмилләһир Раһмәнир Раһим!” ҹүмләси илә башламышдыр. Һәзрәт Пејғәмбәр (сәлләллаһу әлејһи вә алиһ) бујурур: “Һәр бир иш әҝәр Аллаһын ады илә башламазса, һәмин иш сона чатмаз”.

Мүгәддәс Гуран китабы Илаһи сөзләр топлумудур ки, 23 ил әрзиндә вәһј мәләји Ҹәбрајил (әлејһи сәлам) тәрәфиндән Пејғәмбәримизин (сәлләллаһу әлејһи вә алиһ) гәлбинә назил олмушдур. Пејғәмбәрин (сәлләллаһу әлејһи вә алиһ) мүбарәк һәјаты заманы вә Мәсум Имамларын (әлејһи сәлам) заманында Гуран ајәләринин бәзиләри бу даһи инсанлар тәрәфиндән тәфсир едилмишдир. Анҹаг Гуранын әксәр ајәләри Ислами һәдисләрә әсасән алимләр тәрәфиндән тәфсир едилмишдир. Бу мүгәддәс “Бисмиллаһ” кәлмәсини тәфсирчиләр ”Бағышлајан вә Меһрибан Аллаһын ады илә” тәфсир едирләр.

“Бисмилләһир-Раһмәнир-Раһим!” кәлмәси Пејғәмбәрә (сәлләллаһу әлејһи вә алиһ) 114 дәфә назил олмушдур. 113 сурәдә башланғыҹ кими ишләнмишдир вә “Төвбә” сурәсиндә “Бисмилләһир Раһмәнир Раһим” башланғыҹда ҝәлмәсә дә, “Нәмл” сурәсиндә башланғыҹда ҝәлмәклә јанашы, ајәләрин бириндә дә бу мүбарәк ҹүмлә ишләнмишдир вә Гуран үзрә үмуми 114 едир. “Бисмилләһир-Раһмәнир-Раһим” “Һәмд” сурәсинин бир һиссәси һесаб едилир. Әҝәр кимсә намаз вахты вә ја намаздан гејри һалда “Һәмд” сурәсини демәк истәсә вә “Бисмилләһир-Раһмәнир-Раһим!” ајәсини демәсә, сурәни нагис демиш олар. Чүнки бу ајә “Фатиһә” сурәсинин бир һиссәсини тәшкил едир.

“Бисмилләһир-Раһмәнир-Раһим!” ҹүмләси илк дәфә олараг Пејғәмбәрә (сәлләллаһу әлејһи вә алиһ) “Әләг” сурәси назил олан заман назил олмушдур. Кулејни Имам Садигдән (әлејһи сәлам) нәгл едир ки, бүтүн сәма китабларынын башланғыҹы “Бисмилләһир-Раһмәнир-Раһим!” олмушдур. “Бисмилләһ” мүсәлманлар үчүн Ислам дининин нишанәси вә шүарыдыр. Ону јүксәк сәслә демәк иманын нишанәси һесаб едилир. Пејғәмбәри-Әкрәм (сәлләллаһу әлејһи вә алиһ) Гураны тилавәт едән заман “Бисмилләһ” кәлмәсини јүксәк сәслә дејәрди. Тәфсирчиләр бу фикирдәдирләр ки, “Бисмилләһир-Раһмәнир-Раһим!” һәр дәфә назил олан заман јени бир мәна ҝәтирирди. Сурәләрин мәзмуну фәргләндији кими “Бисмилләһир-Раһмәнир-Раһим!”ин мәнасы да фәргләнир.

Сүбһан Аллаһ “Фатиһә” сурәсини “Бисмилләһир-Раһмәнир-Раһим!” илә башлајараг, бизә буну өјрәтди ки, Аллаһа ибадәт вә һәмд дә Аллаһын ады илә башламалыдыр ки, мәгсәдинә чата билсин. Мәлумолурки, әҝәрибадәтидәАллаһынадыиләбашламасаг, мәһволарвәмәгсәдинәчатабилмәз. Јәни, ошејки. Аллаһынадыиләбашланмазса, давамлыолмаз. ИмамСадиг (әлејһисәлам) бујурур: “ҜүнаһгапыларыныАллаһынадынычәкмәкләбағлајынвәитаәтгапыларыны “Бисмилләһ” дејәрәкачын”.

Һәзрәт (әлејһи сәлам) башга јердә бујурур: “Сизләрдән кимсә әҝәр дәстәмаз алан заман “Бисмилләһир-Раһмәнир-Раһим!” демәзсә, шејтан она шәрик олар. Әҝәр јемәк јејәрсә, су ичәр вә палтар ҝејинәрсә вә Аллаһын адынын чәкилмәси лазым олан ишләрдә Аллаһын адыны чәкмәзсә, шејтан онда шәрик олар”.

“Бисмилләһир-Раһмәнир-Раһим!” о гәдәр мүгәддәс бир сөздүр ки, инсанлар она һөрмәт етмәли вә ону тәсбиһ етмәлидирләр. Бу ады јаддан чыхартмаг олмаз вә лазым олан јерләрдә ондан гафил олмаг да олмаз.

Аллаһ Тәала бу ады һәм бәрәкәт мәнбәји етмиш, һәм тәсбиһ мәнбәји етмишдир.

Мүсәлман һејван кәсән заман “Бисмилләһир-Раһмәнир-Раһим!” демәлидир. Бу заман һәмин һејванын әти һалал олар, анҹаг әҝәр демәзсә, һәмин һејванын әти һалал олмаз.

Мүсәлман һәр бир ишиндә Аллаһы хатырламалыдыр. Јемәк јејәндә, јазы јазанда, јатаға ҝедән заман вә јатагдан галхан заман “Бисмилләһир-Раһмәнир-Раһим!” демәк лазымдыр.

Бәли, беләликлә ҝөрмәк олур ки, “Бисмилләһир-Раһмәнир-Раһим!” һәм мүбарәк Ислам дининин нишанәси вә һәм шүары, һәм Аллаһы тәсбиһ етмәк, һәм һәр бир ишин мәгсәдинә чатмасына зәманәтдир. Бу мүгәддәс ҹүмләни јаддан чыхартмајаг вә онун бәрәкәтиндән фајдаланаг.

 

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди