Илаһи Пејғәмбәрләрин Мәһзәриндә

Һәзрәт Иса Мәсиһ (ә): Дүнјада 2 ҹүр хәстә вар...

  • Хәбәрин коду : 801040
  • Мәнбә : Дејерлер “Ерфан”-а истинадла
Хүласә

Һәзрәт Иса Мәсиһ (ә): Мәним гәлбим дүнјанын ҝүнаһкарларына ҝөрә аловланыр, нараһатам. Өзүм ҝәлдим вә евинә дахил олмадан гапынын архасындан она нәсиһәт вердим. Бу ҝүндән төвбә етди вә артыг һеч кәсә јол вермәјәҹәкдир.

Әһли Бејт (әлејһимус-сәлам) - АБНА – Хәбәр Аҝентлији- Һәзрәт Иса Мәсиһ (әла Нәбијјина вә алиһи вә әлејһи сәлам) хош гијафәли вә ҝөзәл симаја малик бир ҹаван иди ки, өмрүнүн сонуна гәдәр евләнмәмишди. О, 33 јашында олан заман әршә галхмышдыр.

Бир ҝүн Насиријә шәһәриндә әхлагсызлыг илә мәшһур олан бир гадынын евиндән хариҹ олур. Бир нәфәр ону бу һалда ҝөрән заман тәәҹҹүб едир.

Һәзрәт Иса (ә) ҝөрүр ки, бу киши онун бу рәфтарына чох тәәҹҹүб етмишдир, она ҝөрә дә арам һалда она јахынлашыр. Она мәһәббәтлә салам верир вә дејир: “Ҹәнаб! Ҝөрдүнүзмү мән һарадан ҝәлдим?”. Һәмин шәхс ҹаваб верир: “Һәгигәтән дә чох һејрәтлидир. Сиз бурада нә едирсиниз?”.

Һәзрәт Иса (ә) дејир: “Еј киши! Дүнјада ики ҹүр хәстә вардыр. Бир нөв хәстәләр өз хәстәликләрини һисс едәрләр вә өзләри тәбибин јанына ҝәләрләр ки, мүалиҹә олсунлар. Анҹаг бир нөв хәсәтлик дә вардыр ки, хәстәлијиндән аҝаһлығы јохдур. Анҹаг бир башгасы онун хәстәлијини баша дүшүр, үрәји јаныр вә дејир: “Ҝедәк вә тәбиби онун јанына ҝәтирәк”.

Бу ханым икинҹи нөв хәстәләрдәндир. Пислијә вә зинаја дүчар олдуғу үчүн фикирләринин пис олмасына диггәт етмәмишдир, она ҝөрә дә ҝәрәк тәбиб онун јанына ҝәлсин.

Мәним гәлбим дүнјанын ҝүнаһкарларына ҝөрә аловланыр, нараһатам. Өзүм ҝәлдим вә евинә дахил олмадан гапынын архасындан она нәсиһәт вердим. Бу ҝүндән төвбә етди вә артыг һеч кәсә јол вермәјәҹәкдир.

Истәјирдин ки, ҝедиб инсанлара дејәсән ки, Мәсиһи (ә) өз ҝөзләримлә ҝөрдүм ки, филан гадынын евинә ҝетмишди? Бүтүн ҝөрдүкләринә вә ешитдикләринә етина етмәк олмаз”.

Бәли, бу һәгигәти Гуран да тәсдиг едир вә бујурур ки, ешитдикләринин 99 фаизи јаландыр. Әҝәр инсан һәр ешитдијини гәбул едәрсә, Гијамәт ҝүнү ону мүһакимәјә чәкәрләр ки, нијә ешитдикләринә ҝөрә инсанларын абрыны апармысан?

“Онлар јалана чох гулаг асараг ону гәбул едән вә һарам јејәнләрдир (онлар өз алимләриндән јалан гәбул едирләр вә алимләри ҹамаатдан рүшвәт алырлар). Буна ҝөрә дә әҝәр сәнин јанына ҝәлсәләр, истәсән онларын арасында һөкм ет, јахуд онлардан үз дөндәр. Әҝәр үз дөндәрсән, сәнә әсла бир зијан вура билмәзләр. Әҝәр һөкм етсән, араларында һагг-әдаләтлә һөкм ет, чүнки Аллаһ әдаләтлиләри севир”. (“Маидә” 42).

Диггәт: Хәбәрдән истифадә етдикдә мәнбәјә истинад лазымдыр


Нәзәрләринизи ҝөндәрин

Сизин е-маил адресиниз ҝөстәрилмәјәҹәк. Тәләб олунанлар бу “*” әламәтлә ишарәләниб

*

Mourining of Imam Hossein
Имам Хаменеи ҹәнабларынын Һәҹҹ мәрасими мүнасибәтилә Ислам Дүнјасына мүраҹиәти
پیام امام خامنه ای به مسلمانان جهان به مناسبت حج 2016
Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди

Дүнја Әһли Бејт (ә) Ассамблејасы Мјанмадакы Мүсәлманларын сојгырымыла бағлы бәјанат Верди